Programi i studimit Master i Shkencave, me profil “Mësues Fizike për Arsimin e Mesëm të Lartë” ka si mision kryesor t’i përgatisë dhe t’i pajisë studentët me njohuri të thella dhe të qëndrueshme në fusha të ndryshme të fizikës së përgjithshme, asaj teorike dhe të metodikës së fizikës duke i bërë të aftë ata të konkurojnë në tregun e punës si mësues të shkollave nëntë-vjeçare dhe atyre të mesme.

Objektivat specifikë të programit të studimit përfshijnë:

• Përgatitjen shkencore të studentëve në fushat bazë të fizikës së përgjithshme, asaj teorike dhe të metodikës së fizikës, duke u siguruar atyre mundësi për progres të mëtejshëm.
• Përgatitjen profesionale të studentëve në transmetimin e dijeve të tyre auditorit të nxënësve.
• Aftësimin e studentëve për të komunikuar me brezat e rinj.
• Zhvillimin e aftësisë së studentëve për të menduar në mënyrë kritike, për të qenë të suksesshëm në fusha të ndryshme të ekonomisë dhe shoqërisë, si dhe për t’u bërë pjestarë të dobishëm të komunitetit në zhvillimet e tij demokratike.
• Njohjen e tyre me teknologjitë e reja dhe arritjet e fundit të shkencës.
• Rritjen e aftësisë së studentëve për të përditësuar dijet e tyre në fizikë, matematikë, shkenca kompjuterike dhe informatikë.

Kohëzgjatja normale e studimit është dy vjet. 

Diploma që lëshohet është: Master i Shkencave në Fizikë, me profil “Mësues Fizike për Arsimin e Mesëm dhe të Lartë”