Programi Bachelor ka mision të përgatisë studentët me njohuri të përgjithshme dhe specifike në disiplinat kimike bazë si Kimia e Përgjithshme e Inorganike, Kimia Organike, Kimia Fizike dhe Koloidale, Kimia Analitike të cilat do të shërbejnë për të formuar një kulturë të përgjithshme dhe profesionale në drejtim të laboratorit të analizës kimike organike e inorganike. Ky program krijon një bazë të mirë për formimin e studentëve si kimistë si dhe për studime më të thelluara në ciklet pasardhëse të studimit.
Në përfundim të studimeve:
- studentët do të kenë plotësuar profilin kulturor me njohuri të përgjithshme në fushën e kimisë inorganike, analitike, organike, kimisë fizike dhe kimisë koloidale
- studentët fitojnë një sërë njohurish praktike nëpërmjet seancave laboratorike
- përfitojnë njohuri mbi përpunimin e informacionit, shkrimin akademik si dhe aftësi të prezantimit të dijeve të tyre në publik
- studentët janë të aftë të përzgjedhin, përpunojnë dhe analizojnë mostra të ndryshme dhe komplekse me origjinë organike dhe inorganike
- studentët janë të aftë të përdorin mjete dhe aparatura bazë të një laboratori kimik
