Në mbështetje të nenit 102. të Kushtetutës së Republikës të Shqipërisë dhe të neneve 35 dhe 73 të ligjit nr. 80/2015 "Për arsimin e lartë dhe kërkimin shkencor në institucionet arsimit të lartë në Republikën e Shqipërisë",

URDHEROJ:

1. Hapjen e programit të studimit të ciklit të parë "Bachelor" në "Shkencat Natyrore Mjedisore". me 180 kredite dhe kohëzgjatje normale 3 vite akademike (6 semestra), në gjuhën shqipe, me formë studimi me kohë të plotë. Në përfundim të këtij programi studimi lëshohet diplomë e dyfishtë/double degree në "Bachelor" në "Shkencat Natyrore Mjedisore"/"Natural and Environmental Sciences". në Fakultetin e Shkencave të Natyrës. në Universitetin e Tiranës dhe Fakultetin respektiv në Universitetin "Tuscia". Itali, referuar nivelit 6 të Kornizës Shqiptare të Kualifikimeve.

2. Veprimtaria akademike në programin e studimit të ciklit të parë "Bachelor" në "Shkencat Natyrore Mjedisore"/"Natural and Environmental Sciences". në Fakultetin e Shkencave të Natyrës, në Universitetin e Tiranës dhe Fakultetin respektiv në Universitetin "Tuscia", Itali, fillon në vitin akademik 2022-2023.

3. Universiteti i Tiranës të marrë masa që programi i studimit t'i nënshtrohet procesit të akreditimit, sipas afateve të përcaktuara në legjislacionin në fuqi.

4. Universiteti i Tiranës të zbatojë procedurat e aplikimit për regjistrimin e formës së diplomës së dyfishtë në "Bachelor" në "Shkencat Natyrore Mjedisore"/"Natural and Environmental Sciences", të lëshuar nga ky universitet, pranë Qendrës së Shërbimeve Arsimore dhe të përshtasë aktet e brendshme rregullatore, në zbatim të këtij urdhri.

5. Ministria e Arsimit dhe Sportit ushtron kontrollin periodik të ligjshmërisë në institucionin e arsimit të lartë, në zbatim të këtij urdhri.

6. Ngarkohet për zbatimin e këtij urdhri. Sekretari i Përgjithshëm. Drejtoria e Përgjithshme Rregullatore për Arsimin dhe Sportin në Ministrinë e Arsimit dhe Sportit. Agjencia e Sigurimit të Cilësisë në Arsimin e Lartë, Qendra e Shërbimeve Arsimore dhe Universiteti i Tiranës.

MINISTRI
Evis KUSHI