Biblioteka
Biblioteka e Fakultetit të Shkencave të Natyrës
Biblioteka e FSHN u krijua në vitin 1969 dhe është një nga më të rëndësishmet në UT për nga sipërfaqja e ambjenteve, madhësia, shumëllojshmëria e fondit të literaturës dhe numri i përdoruesve të saj.
Ajo është njësi ndihmëse e fakultetit dhe i shërben me literaturë e informacion procesit mësimor, kulturor-edukativ, formimit profesional dhe veprimtarisë shkencore të tij.
Biblioteka gjendet në ndërtesën B, kati i parë dhe ka një sipërfaqe të përgjithshme rreth 700 m2, me 90 poste për përdoruesit.
Stafi përbëhet nga katër punonjës ku përfshihet edhe specialistja e Buletinit të Fakultetit të Shkencave të Natyrës
Punonjësit veprojnë në katër sektorë: në fondin e hapur të librit, në fondin e hapura të periodikut, në fondin kryesor dhe fondin e librave me vlerë të veçantë.
Fondi i literaturës së saj përmban mbi 80.000 njësi libra, mbi 800 disertacione dhe mbi 15.000 njësi periodiku, në gjuhët: shqip, anglisht, rusisht, frëngjisht, italisht, gjermanisht, rumanisht etj. në disiplinat që mbulojnë kryesisht shkencat e natyrës dhe departamentet e fakultetit: në matematikë, fizikë, kimi, kimi industrial, biologji, zoologji, bioteknologji, informatikë si dhe literaturë artistike e të përgjithshme.
Këtu gjenden libra të rrallë, me vlerë të veçantë, të trashëguar edhe nga fondi i Bibliotekës së Institutit të Lartë Pedagogjik 4-vjeçar, i themelur në vitin 1951, ku përfshihej edhe Fakulteti i Shkencave të Natyrës. Në vitin 1957 ky fond kaloi në përbërje të Bibliotekës Qendrore të UT ndërsa më 1969 literatura e tij mbi shkencat e natyrës u zhvendos në BFSHN.
Biblioteka është ristrukturuar disa herë duke patur rritje sasiore dhe cilësore: në infrastrukturë e organizim, në shumëllojshmërinë e fondit të literaturës, të aparatit informativ dhe shërbimeve ndaj përdoruesve të saj.
Ambjentet e bibliotekës kanë sistem aspirimi e ngrohje dhe janë të pajisur me kompjutera e rrjet interneti.
Për rikonstruksione, blerje literature e pajisje, krahas investimeve kryesore ndër vite nga ana e institucioneve shqiptare, kanë kontribuar edhe ato të huaja:
- Universiteti i Zigenit (Gjermani) ka kryer kualifikime për punonjësit, ka dhuruar libra, një server, dy kompjutera, një printer dhe programin “Library for windows, ’98”.
- Fondacioni Shoqëria e Hapur’’ (SHBA) ka rikonstruktuar dhe pajisur një ambjent studimi.
- Instituti IZUM (Slloveni) ka dhuruan 2 printer-fotokopje, një kompjuter, burime online në kuadrin e programit ERA dhe programin COBISS për regjistrimin dhe përhapjen në rrjet të bazës së të dhënave të literaturës së bibliotekës si dhe ka kryer disa kurse kualifikimi për punonjësit e bibliotekës.
- Biblioteka e bazon veprimtarinë në rregulloren e saj duke iu përgjigjur gjithnjë e më mirë, në sasi e cilësi, kërkesave të përdoruesve të saj: stafit akademik, atij ndihmës e administrativ, studentëve dhe studiuesve të jashtëm, për shërbimin e koleksioneve të printuara, në formë elektronike dhe për informacion të kualifikuar bashkëkohor.
Orari i punës në bibliotekë
E hënë- e enjte : 8.00-16.30. E premte: 8.00-14.00
Email: biblioteka @fshn.edu.al