THIRRJE PËR KONSULENT/ TRAJNUES   

Për trajnimin dhe mentorimin e vazhdueshëm të 15 startup-eve të cilat do të inkubohen në kuadër të projektit LaunchPad i implementuar nga Fakulteti i Shkencave të Natyrës-UT dhe Techspace me mbështetjen financiare të Ministrit të Shtetit për mbrojtjen e sipërmarrjes .     

TERMA REFERENCE

Pozicioni: Konsulent/ trajnues  

Lloji i kontratës: Kontratë shërbimi

Zona e zbatimit: Tirane 

Afati i aplikimit: 28 Tetor 2022

Informacion rreth projektit:

LAUNCHPAD është një program inkubimi i bazuar në modelin "triple-helix" me mekanizma mbështetës për start-up-e sa i takon periudhës se inkubimit. Programi është i dizenjuar për t'u ekzekutuar gjatë një periudhë pesë-mujore ku përfshihet faza e inkubimit dhe në vijim, startup-et e suksesshme mund të ndjekin programet e dedikuar qe do te zhvillohen gjate vitit 2023 ne bashkepunim me donatore të tjerë, për mbështetjen fleksibël.   

Detyrat dhe përgjegjësitë që pritet të realizohen nga eksperti:

Në bashkëpunim dhe koordinim të ngushtë me ekipin kyç të projektit, puna e Ekspertit të biznesit duhet të përfshijë, por pa u kufizuar në detyrat e mëposhtme:

• Të përpilojë një model plani biznesi të detajuar të përshtatur për target grupin e synuar.
• Të jetë përgjegjës për mentorimin, lehtësimin dhe ndjekjen e pjesemarresve për të zhvilluar idetë e reja të biznesit, zhvillimin e planeve të biznesit, duke ofruar ekspertizën e tij/saj në shërbime këshilluese dhe mbështetëse.
• Të ndjekë hap pas hapi përfituesit në materializimin e idesë së biznesit dhe hartimit të planit të biznesit.
• Të japë inpute teknike për përmirësimin e modelit të biznesit, planit të biznesit, planit te marketingut dhe në veçanti përmirësime në propozimin e vlerës, produkteve / shërbimeve dhe tregjeve të synuara.
• Të ofrojë ekspertizë për të pjesëmarrës të programit, mbi çështjet ligjore dhe taksave që lidhen me regjistrimin e bizneseve të reja.
• Të mbështesë dhe mentorojë sipërmarrësit gjatë procesit të inkubimit.

Kualifikimet dhe eksperienca:

Personat e interesuar duhet të plotësojnë kërkesat e mëposhtme:

• Të paktën 2 vjet eksperiencë pune me startup-e ose fusha të ngjashme;
• Aftësi organizuese dhe planifikuese.
• Ekspertizë teorike dhe praktike në çështje të lidhura me punësimin dhe vetëpunësimin.
• Expertizë teorike dhe praktikë në çështje financiare të menaxhimit të një biznesi.
• Preferohet të ketë eksperiencë në sipërmarrje/ startup-e  

APLIKIMI DHE AFATI I DORËZIMIT

Kandidatët për ekspertë, që plotësojnë kriteret e mësipërme, duhet të dorëzojnë brenda datës 28 2022, dokumentet si më poshtë:

• Curriculum Vitae ose 
• Kopje e dokumentit të identifikimit;
• Leter Interesi ku të pasqyrojë shkurtimisht metodologjinë/qasjen e përdorur, eksperiencat në të kaluarën lidhur me hartimin e planeve të biznesit si dhe kualifikimet. 

Aplikimi mund të dërgohet nëpërmjet postës elektronike në adresën info@fshn.edu.al   Në subjektin e e-mailit të vendoset “Aplikim për Konsulent/ Trajnues LaunchPad” 

Vetëm kandidatët e kualifikuar, që plotësojnë kushtet vendosura më sipër, do të kontaktohen.