Në zbatim të ligjit Nr. 80, datë 22.07.2015 “Për arsimin e lartë dhe kërkimin shkencor në institucionet e arsimit të lartë në Republikën e Shqipërisë”, të Statutit të Universitetit të Tiranës miratuar me Urdhërin e MASR Nr.816, datë 26.12.2018, të Vendimit të Senatit Akademik Nr.29, datë 22.07.2021, të Vendimit të Bordit të Administrimit Nr.34, datë 02.09.2021, Universiteti i Tiranës shpall thirrjen për aplikim për ekspertë të Komisioneve të Vlerësimit të projekteve në programin “UT - Kërkim, Ekselencë dhe Inovacion” sipas fushave të mbuluara nga njësitë e mëposhtëme:

1. Fakulteti i Drejtësisë;
2. Fakulteti i Shkencave Sociale;
3. Fakulteti i Shkencave të Natyrës;
4. Fakulteti i Gjuhëve të Huaja;

Kriteret për aplikim

Aplikantët duhet të plotësojnë kriteret e mëposhtëme:

1. Të jenë pjesë e personelit akademik të UT-së, ose të kenë përfunduar studimet në UT, dhe të jenë të punësuar në një IAL ose institut kërkimor brenda ose jashtë vendit;
2. Të kenë të paktën gradën shkencore “Doktor” në fushën përkatëse apo të ngjashme me të;
3. Të kenë përvojë në kërkim shkencor dhe projekte të kërkimit shkencor;
4. Të kenë përvojë në shkrim, vlerësim dhe zbatim projekti;
5. Zotërimi i titujve akademikë përbën përparësi;
6. Të kenë njohuri të mira të gjuhës angleze.

Dokumentacioni për aplikim

Aplikantët duhet të dorëzojnë në Universitetin e Tiranës, përmes adresës së e-mailit: kerkimshkencor@unitir.edu.al dokumentacionin e mëposhtëm: 

1. Shprehjen e interesit lidhur me motivimin dhe ekspertizën që ofron si kërkues shkencor,
2. pjesëmarrës në projekte apo dhe vlerësues projektesh.
3. Curriculum Vitae ne shqip (formati Europass) dhe listën e publikimeve;
4. Kopje të diplomës së gradës shkencore/titullit më të lartë akademik që zotëron.
5. Kopje të kartës së identitetit.

Afati i aplikimit

Afati përfundimtar i dorëzimit të dokumentacionit të aplikimit është data 11.11.2022.