Ditën e premte datë 26.05.2023, ora 11:00 në sallën 412A, do të organizohet takimi informues nga stafi i Bashkisë Tiranë mbi projektin “Fillo me një ide – Fito një intership në Bashkinë Tiranë”.

Qëllimi i këtij projekti është që të rinjtë, në fillim të karrierës së tyre profesionale, të fitojnë një eksperiencë pune në Bashkinë Tiranë. Të rinjve u ofrohet mundësia të përgatisin dhe dorëzojnë një propozim të plotë teknik dhe financiar të projektit si dhe të përfundojnë studimin gjatë intershipit, duke bashkëpunuar nga afër me stafin e bashkisë për një periudhë 3 mujore praktike pune. Të rinjtë pjesëmarrës në fund të këtij programi përveç trajtimit dhe certifikatave do të përfitojnë edhe një çmim për punimin e dorëzuar, me vlerë 91.000 lekë bruto/ personi.

Aplikimet janë të hapura nga data 11.05.2023 deri më 19.06.2023 dhe kryhen online.

Për informacion të mëtejshëm rreth mënyrës së aplikimit, aplikantët mund të vizitojnë faqen zyrtare të Bashkisë Tiranë në linkun: https://tirana.al/faqe/fillo-me-nje-ide-fito-nje-intership