Njoftim mbi hapjen e konkursit të punimeve kërkimore organizuar nga projekti “CleanScore”, i AADF
Projekti “CleanScore” po organizon edicionin e 5-të të Konkursit të Punimeve Kërkimore!
Qëllimi kryesor i këtij konkursi është angazhimi i studentëve në botën e kërkimit shkencor dhe promovimi i përdorimit të bibliotekës “JSTOR” për qëllime kërkimore përmes shpërblimeve. Konkursi është i hapur për të gjithë studentët që ndjekin një diplomë, përfshirë të diplomuarit që janë diplomuar jo më vonë se një vit nga momenti i shpalljes së këtij konkursi, me afat dorëzimi deri më 1 Mars 2024.
Fondacioni Shqiptaro-Amerikan i Zhvillimit, nëpërmjet projektit “CleanScore”, ka bërë të mundur aksesin në bibliotekën “JSTOR” për të gjitha universitetet partnere publike. “JSTOR” është një nga bibliotekat dixhitale më të mëdha që ofron burime të pasura me revista akademike, libra dhe materiale të tjera të rëndësishme për studentët, profesorët dhe studiuesit në të gjitha fushat e studimit.
Punimet më të mira të Konkursit do të vlerësohen me çmimet me vlerë monetare si vijon:
- Çmimi i parë me vlerë 400 $
- Dy çmime të dyta me vlerë 200 $ secila
- Tre çmime të treta me vlerë 100 $ secila
Gjatë kohës që thirrja është e hapur, për të ndihmuar studentët e interesuar të marrin pjesë, CleanScore do të organizojë takime online me pjesëmarrjen e pedagogëve me përvojë në fushën e kërkimit dhe publikimit me synim për të njohur studentët me platformën JSTOR.
Për detaje të mëtejshme lidhur me aplikimet referojuni link-ut: www.cleanscore.al/konkursi