Në kuadër të Programit "UT-Kërkim, Ekselence, Inovacion", i cili synon të mbështesë personelin akademik me kohë të plotë është hapur Thirrja për Projekte, me afat aplikimi deri më 22 Dhjetor 2023.

Programi ka në fokus mbështetjen e njësive kryesore për zgjerimin e fushës së kërkimit dhe inovacionit, zhvillimin e qëndrueshëm në përputhje me Strategjinë e Zhvillimit 2018-2023 te UT-së, mbështetjen me fonde të kërkimeve strategjike, të cilat përmbushin nevojat dhe prioritetet e UT-së. Gjithashtu programi ndër të tjera synon krijimin e kushteve për përparimin në karrierë të personelit akademik me kohë të plotë, përmes mundësimit të zhvillimit të projekteve të tyre kërkimore, si edhe gjenerimin e të dhënave shkencore të besueshme dhe konkurruese në treg, të cilat do të shërbejnë si bazë për aplikime të mëtejshme ndërkombëtare.

Nën këtë thirrje të gjithë aplikantët duhet të depozitojnë dokumentet e kërkuara në rrugë elektronike në adresën: kerkimshkencor@unitir.edu.al