Në kuadër të aktiviteteve të “Ditëve të Informimit të Maturantëve” Universiteti i Tiranës mori pjesë në Panairin “Work& Study 2024” që u zhvillua në të gjitha qytetet e Shqipërisë, nga jugu në veri prej datës 26 Shkurt – 21 Mars 2024.

Panairi u përmbyll në qytetin e Tiranës në datat 3– 4 Prill 2024 në Pallatin e Kongreseve.
 

Qëllimi i këtij aktiviteti është: Njohja, informimi, orientimi dhe këshillimi i nxënësve maturantë me ofertën akademike të Universitetit të Tiranës dhe kriteret e pranimit.

Stafi pjesëmarrës në këtë aktivitet ishin specialistët e këshillimit të karrierës në fakultete. Panairi u vizitua nga një numë shumë i madh maturantësh nga e gjithë Shqipëria, një pjesë e konsiderueshme e të cilëve shprehën interes për ofertën akademike të Universitetit të Tiranës. Duke vizituar stendën e UT-së, shumë maturantë morën informacion të plotë rreth:

· Programeve të studimit në UT;

· Kritereve të pranimit;

· Mundësive të shumta që u ofrohen studentëve (bursa, mobilitetet në kuadër të Erasmus+, etj);

· Këshillimit të karrierës dhe punësimit